 放大圖片
第三場、第四班、一六五○米。「安打」之前不斷轉換配備都無乜起色，直到除去鼻箍後先至有顯著進步，連續五場得兩季兩殿及一第五，表現最好兩場先喺315總場次角逐此程以個幾身位輸俾「連利之星」得季軍，同埋其後一仗於谷草千八米輸俾「自成一格」再得季軍，由此可見，本身跑窄場是有一定殺傷力，今次配合同主的「安荃」分頭出擊，好有機會拚出頭來。
第四場、第三班、一二○○米。「薑餅人」前季喺田草千二米取得兩勝後，曾徘徊一段時間，直到上季轉到此程先至找到突破，直落打疊贏兩場，先是擊敗其後於二班補中的「川河猛駒」，繼而挫敗「準依時」，都屬值得尊重之好賽績；其後再添兩場位置而將評分推向新高；今季跑咗八場全不入三甲，但評分因而由高位回落到贏馬水平，現吼準一場對手唔算強嘅場合上陣，當可再顯顏色。
第五場、第四班、一二○○米。「帶寶來」出道跑咗九場都未贏，不過上季喺三班田草千二米曾經跑過第五名，當時距離頭馬「英勇大師」只係三個零身位，而在牠身後過終點的「共創美夢」今季喺二班贏馬、「十二門徒」喺三班取得四捷。但「帶寶來」落到四班竟然未贏，不過今季首戰喺此程跑得第三，對一匹久休復出馬來說算是水準之作，現轉東廄謀突破，照計有能力衝擊冠軍。
|
放大圖片
