 放大圖片
今晚谷草編跑八場，以全闊A跑道作賽，頭場下午七時十五分開跑，全晚編有兩場盃賽，分別係維多利亞賽馬會錦標及環太平洋律師協會盃。馬房方面，方嘉柏派出多匹實力馬列陣，相信又是搏殺之時，要優先留意。騎師方面，雷神旺氣逼人，固然要吼實，另外，韋達也手執不少惡馬，都要睇實。
第一場、第五班、一八○○米。「常盈多」高伯新七歲長途氣袋，季內跑過九仗取得一亞一季兩殿軍仍未發市，看上仗沿用連達文出爭谷草二千二，排一檔起步沿途守住馬群中疊位，轉入直路打衝鋒有反應，結果追得一席第三名，拚後馬房加強氣量特訓，今仗排有利二檔出閘，只要交出上回水準，坐位望贏可做得到。
第二場、第四班、一二○○米。「快趣的」霍利時今季初出馬，頭六場雖然表現平平，但經足夠熱身之後，到大前仗出爭田草一千米追入冷位，表現令人刮目相看；上仗初配田泰安執韁跑同程，拉士兜出外疊打衝鋒追回一席季軍，省過開氣後今續爭谷草千二米，有力衝擊頭馬見面。
第三場、第四班、一六五○米。「光速銀桂」跑到季中始撻着車頭，喺三月初於谷草一哩擊敗「金叻星」取得頭馬；跟手跑過兩仗田草及谷草一哩皆有接近演出，看上仗由堯仔披甲出爭此程，排七檔出閘沿途跟前，最終力拚不敵「飛翔星」及「其樂無窮」得第三乃水準之作，而今仗方仔瞄準強項打王牌入紙，交出水準有力拚勝。
第四場、第三班､一二○○米。「綠草如欣」（圖2號）前仗在港初出角逐三班窄場一千米，早段緊隨領放馬匹之後，末段上前趕過對手一出即勝。翻查此駒在新西蘭於千二米取得兩捷，故此翌仗保羅替牠增程角逐，可惜輸不足一馬位得季席，今趟操足再戰，換上雷神執韁，絕對有力打翻身仗。
金筷子乘銳勢再捷
第五場、第四班、一二○○米。「金筷子」五歲灰馬仔季內跑過六仗，當中最近三戰全攻谷草千二米，合共取得一冠兩亞成績，看上場沿用黎海榮執韁，七檔起步榮仔也沿用一貫居中戰略，轉入直路兜出外疊衝刺，結果姍姍來遲僅輸頸位未竟全功，而今練者搵到柏寶壓陣，再爭此程對手不多，且看可否趁勇衝擊季內第二W。
安荃大長途靠得住
第六場、第三班､二二○○米。「安荃」四歲英國馬跑到季中表現猶如開竅，單係最近三戰田草及窄場千八共獲一冠兩亞，四歲仔潛力深不可測，今賽前備戰充足，練者更安排馬匹試谷草千七米閘，由雷神考驗後上掄元，質新馬續在進步中，環看今場對手實力普通，相信跑大長途一樣可以應付自如，作膽靠得住。
第七場、第三班、一二○○米。「人和家富」三歲T布馬季內四戰，當中三戰跑谷草短途賽，很明顯練者也明白此駒跑窄場乃最佳出路，結果上仗由田泰安接手，角逐同程以留前鬥後跑法爆出半冷門開齋。而今仍爭三班千二勝途，馬房剛周日起孖手風正順，相信今場連捷無難度。
第八場、第二班、一六五○米。「喜喜寶」四歲馬踏入今季愈戰愈勇，不過喺二月中跑一級賽經典盃招大敗，而練者也知道以馬匹當時性能及進度難以染指打吡。雖然打吡跑不成，卻造就牠在跑馬地百萬挑戰盃壓軸戰，及時追過原居榜首的「摯友無敵」而封王，拚後馬房仍有正常備戰，今回再爭兩戰兩捷嘅谷草一哩，憑其飛快前速兼夠韌力，可坐定粒六。
|
放大圖片
