 放大圖片
■欣宜在台上多次用手按住胸口。
香港文匯報訊（記者 梁靜儀）鄭欣宜昨日到油塘出席《香港安全標誌及優質「正」印嘉年華》，並獲委任為「正」印安全大使，欣宜又即場獻唱快歌，不過欣宜驚爆衫不敢太大動作。
昨日欣宜在台上唱出快歌時多次用手按住胸口，事後她受訪時自爆早上在髮型屋化妝時發生驚險事，就是件衫心口處突然爆開，因為裡面只得胸圍，但當時更有三個男髮型師在房內，所以好驚。說到她豈不是被睇蝕？她笑說：「應該望唔到，同埋我有着Bra，因為搵唔到扣針，所以用髮夾扣住。」記者笑她上圍太勁逼爆衫？欣宜笑說：「唔只上圍，全身都逼爆，好彩無爆褲，（為何不換衫？）因為無時間換衫，所以跳舞都唔夠膽太大動作。（再爆就送大包？）我驚嚇走所有人。」稍後欣宜將擔任側田演唱會嘉賓，二人更會大跳辣身舞？欣宜說：「唔知，未排，我唔介意，如果係佢辛苦啲。」
默認跟攝影師男友分手
另外，談到有傳她與攝影師男友已分手，向她求證傳聞時，她只說：「我現在好開心，我都冇話過拍拖，我有好多好錫我的朋友，我亦冇同居過。」再問到現時雙方是甚麼關係？欣宜說：「係好朋友，亦都有聯絡，覺得每個朋友都會經歷一啲Close同冇咁Close的時候，好正常，每一日發生事同工作壓力都好影響大家心情，我現在都開心。（唔諗拍拖？）唔係唔諗，只係我等咗好耐至有現在的工作機會。」問到是否男友嫌棄她的身形？欣宜笑說： 「我都唔知你講乜，我所有朋友都見唔到我係肥妹，佢哋覺得我性格好正。」
|
放大圖片
