|
「一馬當先」上季來港首季已取得一贏六位表現嶄露頭角，踏入今季初出即在千二米跑第三，之後又喺千四米跟「超凡夢想」串Ｑ，正當以為可平步青雲之際，點知配見習生呂卓賢跑千四米做電兔狂放出事，該場造就出「競技英雄」搭「百利多」這條萬五銀嘅巨冷連贏位，最終呂卓賢被競賽小組重手罰停賽八個賽馬日，而「一馬當先」變成「問題馬」後，亦順理成章連輸兩場，細看兩場銷案成份居多，尤其是上場連放都唔放，轉用後上跑法當然沒有作為，但最終跑第五小敗四乘表現唔差，今次報跑馬匹條件賽，遇上並非太強對手，擺明形勢極之有利，均速馬只要肯擺番前走定可還我本來。
|
