 放大圖片
第六場「大家熊」最近兩仗均在千四米建功，今仗出王牌增程跑千六米，對馬匹此程氣量應有信心，加上過去亦有跑千六米的經驗，配合莫雷拉復出上陣，擺明車馬爭三連捷。「金巴裡好」上仗初跑同程立即爆大冷勝出，末段彈甩對手姿態好似超晒班咁，今仗原庄配搭再戰同程，且戰且走隨時又再放到。
第七場「華恩庭」至今兩戰獲一冠一亞，其中剛戰增程兼改用跟前跑法一試，走勢已見有進步，試準後今仗再安排同程上陣，應有再度報喜之條件。「星夢」季內兩捷同程均由華將建功，今仗初配黃皓楠一試，騎者憑獲減十磅優勢，隨時可再次一放而回。
第八場「新力風」剛勝出千二米三級賽，既然與「將男」及「包裝鬥士」同父系，今仗增程二百米仍然屬射程範圍，有力乘勇添食。「駿馬名駒」上季首三場頭馬均由韋達一手包辦，人馬合拍，呢對摩廄馬，不可顧此失彼，一齊揀埋較穩陣。
第九場「舞林高手」上仗出閘遇意外墮後甚遠，大敗而回不能作準，今仗換上連達文再戰同程，排檔有利，有足夠條件由蟲變龍。「忠心義氣」近仗曾於直路賽取得一冠一季，路程有根有據，今仗換上黃皓楠減十磅優勢大，加上騎者季內亦曾經勝出同程，對發力點應掌握得到，有好馬在手必拚盡爭取成績。
第十場「金剛仔」近三仗均在同程取勝，其中剛戰更在杜利萊胯下大勝三馬位，今仗原庄配搭再上征途，有力為馬房達標再出一分力。「為食仔」剛於谷草一哩負頂磅輕勝，可見實力甚強，今仗升班轉場仍不會有阻力，五歲馬可憑當起之銳梅開二度。
第十一場「天才」轉攻此程後兩戰兩捷未逢敵手，今仗原庄配搭再戰強項，應難尋敗理。「詠彩繽紛」跑完打吡後休息充足，回配莫雷拉縮程上陣，可謀五捷。
|
放大圖片
