|
有人話實力較弱的足球隊就會出好龍門，咁細馬房會唔會出到多捷好馬呢？「麟轉乾坤」季內五勝可說是孫達志馬房代表作，「金剛仔」最近一口氣連贏三場田草千六，亦都算係鄭俊偉馬房的招牌貨。「金剛仔」英國自購馬血統平凡，查外地只曾贏過一場膠沙地，賽事水準平平，但元旦日轉四歲後即見飛躍式進步，直落連勝三場田草一哩，當中上仗在黏地交鋒，全程走四疊也能大勝「馬上發財」和「首飾多寶」，後兩駒其後已補中，水準的確犀利，而每贏一次姿態就輕鬆一次，踏入季尾階段可謂越戰越勇，今次賽前拍跳砥礪工夫仍見充足，擺明想砌多一場才抖暑去，鬥志可信賴。
|
