|
谷中虎練馬師方嘉柏，季內三次在谷草夜賽出馬八匹以上例有馬贏，包括一次連中三元及一次取得大四喜，今次夜賽十駒列陣頗有君臨天下之勢。三班二千二百米長途賽，方廄三駒馬海戰略，頭馬坐定粒六之餘更有權包辦連贏位。「勝哥兒」屬兩屆跑馬地銀瓶盟主，目前評分比上次勝時仲要低六分，其利可知，今次足可爭取三連霸。「威百利」最近兩次渡江俱贏馬，今次沿留五班有力完成三捷。拍賣馬「醉中意」最近三戰谷草千二米非一即二，試好大閘而來四班過客又叫胡。至於「和平開心」同「大勝利」近期狀態弗到震都有力贏番場交代，總之吼實方廄包無蝕底。
|
