 放大圖片
■陶大宇（左）為楊思琦（中）及蘇志威炮製以蠔為主題的菜式。
香港文匯報訊 由陶大宇偕劉明軒及王曉君主持的有線節目《我愛煮食男》，本周邀請了楊思琦及蘇志威捧場。大宇深知舊拍檔思琦及蘇老闆都是識飲識食之人，特意前往流浮山揀選最佳食材，炮製以蠔為主題的菜式。大宇結合兩位嘉賓的喜好，製作了一道「香煎金蠔鱆魚肉餅」。二人品嚐過他的手勢後大為讚賞，更笑言有「家」的味道。
大宇大爆當年跟思琦拍劇時想擁抱她卻慘遭拒絕，思琦解釋：「因為嗰時無咩經驗，大宇哥又係紅星，要同佢演情侶好緊張，因為怕尷尬所以拒絕做太親密嘅動作。」同樣與大宇因拍劇而結緣的蘇老闆則表示很懷念拍劇的日子。「當年唱片市道唔好，我哋草蜢三人各自停咗出碟嘅工作，嘗試做自己有興趣嘅事。我由歌手去咗拍劇、做主持，識咗好多好朋友，回想嗰段日子都好開心。」
蘇志威的禮服生意經營得有聲有色，連大宇都忍不住要向他偷師取經。蘇老闆坦言『老闆之名」得來不易：「我做生意唔係一帆風順，曾經試過蝕成七位數。之後發現要保持市場競爭力，一定要賣啲人無我有嘅嘢，眼見當年男士禮服市場好細，自己因為舞台演出對禮服有研究，於是就決心發展呢門生意。」問到思琦的投資心得，她直言：「自己無買股票，因為工作太忙好難緊貼股票市場。我反而鍾意買磚頭，遺憾當年太保守，錯失良機，依家會努力儲錢再戰。」
|
放大圖片
