 放大圖片
第四場、第四班、一二○○米。「快人一步」來港以來跑呢個路程最耍家，總共取得兩勝四位成績，贏馬兩場分別是在四班以兩個馬位秒殺「珍珠有利」，繼而上到三班掟甩實力指標「城中話題」同埋「魅影蹄飛」。今季雖然仲未贏馬，但大前仗喺呢個路程只以半個身位不敵「特務飛龍」跑得亞軍，證明六歲仔現時評分已浮現競爭力，今出戰首本路程，隨時可痛擊對手。
第七場、第三班、一二○○米。「城中話題」喺呢個路程總共跑咗十四場，得一勝七位，上名率超過一半，贏馬嗰場是跑三班賽事，當時配潘頓喺四檔起步，早段居中間有遮擋位置競跑，入直路拉出外疊展開衝刺，立即交出凌厲後勁排眾而出。其後再於二班谷草一千米擊敗「愛寶駒」及「喜寶駒」呢類高班馬，證明本身谷草能力非一般，轉姚廄後經一役摸底，再臨有權省招牌。
第八場、第三班、一六五○米。「萬馬奔騰」今季贏馬的一役是喺郭能胯下出戰此程，喺六檔起步，早段置於中間二疊位置，入到直路搵到空間竄上，終點前力壓「安闖」，事後睇番呢場賽事，發覺跑第三名的「其樂無窮」、第四名的「好老友」及第七名的「華美之寶」之後都可以交出頭馬，由此可見，「萬馬奔騰」初跑呢個路程即贏強手，能力唔簡單，今次第二度再戰，食指又動了。
|
放大圖片
