 放大圖片
■右起：王君馨、唐詩詠、陳庭欣與蝦頭自備風扇、雨傘驅暑。
香港文匯報訊（記者 植植）王君馨（Grace）早前赴恩平拍攝《公公出宮》，她表示今次和不少好戲之人合作，令自己獲益良多。王君馨說：「今次合作的對手如John哥（姜大偉）唐詩詠、陳庭欣等都係第一次合作，成個拍攝過程好開心，雖然上去拍劇其間好熱。記得有一日，自己在外景好耐好耐，拍到差唔多最尾一場，拍完後自己都暈暈哋，國邦（陳國邦）見狀，立即叫我坐低同飲晒成支水。我們成組人每日都出盡法寶去散熱，例如用手提小風扇，飲正氣水同用花露水淋身，務求減熱。」
再次同陳國邦合作，君馨多謝對方不停提點自己。「初出道拍清裝已經同國邦合作，當時自己唔識做奸人，現在回想起，都覺得自己演得比較差，咩都七情上面。今次再合作，佢會深入地提醒我，可能有些表情做得多咗，要留意多些。除了傾劇本外，我們還分享人生觀。另外，蔣志光老師也來客串了幾集，記得有晚我想返房早點休息，因為之後嗰日有好多場戲，咁蔣老師提醒我，單是死背冇用，做演員最緊要多同對手對戲，之前仲主動幫我對戲，令我心生感激。」
|
放大圖片
