 放大圖片
■薛家燕表示不介意請食飯令四哥同曾江和好。
香港文匯報訊（記者 梁靜儀） 薛家燕(家燕姐)對於麥玲玲提議她做謝賢(四哥)掌摑曾江（Ken）事件的「和事佬」，家燕姐帶笑說：「點解要搵我？應該搵陳寶珠同蕭芳芳，麥玲玲算過我們的八字夾咩？」她又謂與曾江（Ken）、胡楓(修哥) 及謝賢都認識多年，至於謝賢雖然沒有合作，但與對方都相熟，因很多人透過她請謝賢登台，加上當年他又追過蕭芳芳，有時在片場都會有嘢食。家燕姐指對於發生此事都感愕然，覺得並非宣傳，因為四哥沒必要做宣傳，好少見四哥如此嬲，平時都愛說愛，阿Ken就鬼仔性格，可能他都不知四哥嬲了他，他自己也不知有時講笑或多口令別人個心不舒服，而修哥夾在中間就最無辜，事後她也有致電對方問候，電話響了好耐他才接聽，修哥即說好大件事，又說當時也知有些不妥，所以都就住就住。
問到可會相約他們飲餐茶平息事件？家燕姐說：「一餐茶邊到得呀？但等他們冷靜一下先啦，而家搵邊個都唔會有興趣食我餐飯，或者等我生日。（你明年三月才生日？）都要有個藉口請食飯，我請食飯無所謂。」她又謂大家在娛樂圈多年始終都會有感情，大家嗌交都是好事，今次四哥提一提都是好事，Ken哥都會留意一下。
|
放大圖片
