 放大圖片
■Stephy與又南首次演情侶。
香港文匯報訊（記者 梁靜儀）鄧麗欣（Stephy）與黃又南在電影《燈塔下的戀人》中，由一對鬥氣冤家變為情侶，戲中還有親吻戲，首次演情侶的二人齊稱很尷尬。
Stephy透露戲中飾演一名由外國返澳門的Rock妹，要接管父親的賭場生意成為CEO，並在賭場邂逅做荷官的又南，不過她就向又南隱瞞自己太子女的身份而相戀。
Stephy表示與又南認識多年，以前合作拍戲多是扮演朋友，演情侶還是第一次，感覺幾古怪，因為會有親吻戲，太熟絡反而覺得更加尷尬。問到事前可有知會男友方力申？Stephy笑說：「我早已決定以後拍接吻戲都唔話佢知，係避免有拗撬，唔係男友介意，佢唔知就OK，但我就要求佢同我講，反而佢唔想知我嗰啲。」
Stephy指與又南的親吻戲只是蜻蜓點水，但拍出來的效果沒有那種感覺，所以要求重拍，最後拍了三次。問到又南拍攝時可有緊張？他說：「無緊張，但都有尷尬，而男仔拍這種戲都會害怕被人覺得鹹濕，所以都有同Stephy講『辛苦晒，辛苦晒，唔好唔思呀。』因為同Stephy都熟，所以好順利。」Stephy就叫又南放心，她不會說他鹹濕的。又南即表示很欣賞Stephy性格爽朗，不會因形象的包袱而諸多限制。
問到又南是否很久沒拍愛情片？他表示也不是，但有段時間也曾問過公司，是否因自己外形不夠靚仔就少人找他拍愛情片，不過之後卻又連續幾部愛情片找他。他笑道：「相比起拍動作片，自己都喜歡拍愛情片，不過拍呢部戲第一日開工就要同黑人打，第二日就要跳落泳池，仲未有浪漫嘅嘢。 」
Stephy認買股票損手
戲中又南飾演賭場荷官，拍攝前他就特在賭廳跟專業人士學派錢手勢，學了一個鐘就上手。經理更搞笑對他說：「你可以換衫返工喇。」
跟又南一樣無賭運的Stephy坦言每次入睹場只會帶五百元，輸掉便走，她反而喜歡打麻雀：「有少少技巧又可同朋友傾偈，好玩啲，唔似睹錢好似掉錢落海。」近期股市大升大跌，Stephy承認有損手，她慨嘆說：「以前唔識，都係近幾年開始有去學，當投資吓囉，（蝕了幾多？）都好傷心，因早排前升得好犀利，由高山跌落低谷心情好沉重，唯有本着一日未賣都未輸的心情去睇。」
自言是「魚腩部隊首領」的又南，笑指朋友最鍾意新年找他打牌，不單無賭運，就連買樓花都會蝕錢，幾年前第一次買樓花便損手蝕了廿萬。他有感而發說：「之前經過幾年艱辛，知道是辛苦錢，所以有錢都會儲起及同朋友夾份做眼鏡生意。」
|
放大圖片
