獨有消息：華恩庭雷神霸住騎

放大圖片

今季第一個贊助賽事冠忠巴士金禧盃，雖然間公司第一次搞呢個盃，但氣氛就一流，因為呢間巴士公司老細養馬三十幾年，對香港賽馬模式及運作非常熟悉，佢就係黃良柏。黃良柏養馬，近期以「新力」系為名，早期佢養�黻芋A遠在林紅飛時代，第一匹馬叫「收銀機」，後又以「發得勁」及「上海特快」替名下馬匹命名，再之後才轉用「新力」系呢個名。黃良柏到目前為止，以個人名義養過十多駒，但成績最好，係隻大摩團體馬「多名利」，由潘頓贏香港瓶。其實，講到養好馬，黃良柏仲有個兄弟黃榮柏，佢曾經養過隻「有性格」，屬九五年打�m冠軍。所以呢個賽馬家族搞贊助盃賽，可以話特別有意義。當然，今次「新力」系冇馬派上戰陣，是美中不足之處，但搞手方面，覺得呢次贊助賽大日子，當然要全副心機用來招呼人客，冇馬出反而有更多時間用來招待人客。冠忠巴士金禧盃編排於第八場第二班跑千二米短途，蔡約翰馬房「華恩庭」，莫雷拉一早卜定上陣，雷神當然知道呢隻馬狀態有番咁上下弗至霸住�謄M。記得上季呢匹馬�鬘觓韝d二米一出即勝，之後馬房拿拿臨增程向千四米進軍，可惜一連三場千四米所得名次只係亞季殿各一，本身雖然有進步，但目前能力似乎千四米路程並非有太超卓本錢，發展空間因此受到阻礙。今季馬房頭一炮替呢隻馬出戰千二米，可以話正中下懷，呢個贊助盃賽，有機會由蔡神仙捧盃威威，不妨睇高一線。