 放大圖片
第六場､第三班､一二○○米。「四季星」東廄中短途馬，上季跑過十一仗只在谷草同程C欄勝出一W。而今季減至六十九分，與上季贏馬時還低一分，而今晚再爭谷草千二米爭盃，今場沿用蔡明紹只負一二五磅，且抽到外檔出閘火燒唔會熱，屆時遇上偏快步速，有權後上一網成擒。
第七場､第三班､一六五○米。「星夢」六歲仔至今兩W皆有可觀分頭，翻看上季尾增程出爭田草一哩，臨場打到十一倍，沿途快放，鬥到拉士最後一步僅負「贏男」半馬位得第五，官仔馬今季備戰工夫亦明刀明槍，埋門兩周一早由滇仔試千二草閘一氣放返，而今練者揀一哩打突擊，冷敲有想頭。
第八場､第三班､一二○○米。「錢照收」沈廄短途快馬，至今跑過三戰取得一W，今季初出田草千二，用田泰安只負一一六磅打到五倍開跑，慢閘下沿欄力追僅負「旅遊仁義」兩馬位得第六，而今晚渡江轉爭千二，改用史卓豐只負輕磅，隨時冷門劏人。
|
放大圖片
