 放大圖片
第七場、第三班、一六五○米。「金匯龍華」上季轉戰此程火速上位，先是跟「金叻星」單打獨鬥而影輸跑得亞軍，翌仗即以四個身位狂勝「勝利雄心」復仇式補中，若不是騎師潘頓一早收韁，肯定仲會贏得遠些。其後上到三班可能未適應關係，季尾三場只能跑得位置而回，不過經暑期重新校砲，上賽季內首戰重戴眼罩，10檔起步，早段毋懼耗力楔入內欄，末段受到「根深柢固」挑戰依然以首名壓線，彰顯五歲仔能力及內在鬥心俱全面提升，今回多匹實力馬都熟口熟面是其蹄下敗將，只要保持住水準，穩連勝。
第八場、第三班、一二○○米。「笑眼光」上季加上交叉鼻箍後便立即變身，首回合出戰田草1200米，在陣上馬鞍滑移形勢不利下，依然以輕鬆姿態秒殺實力指標「英才」已知犀利；翌仗負重磅再戰勝途，順利擊敗「手到拿來」完成連勝，總時間1分9秒26比起同日三班頭馬「天外之天」尚要快0.09秒，此場頭馬已有三班水準。再結合以上兩場勝仗的亞軍馬「英才」及「手到拿來」其後均能於三班贏馬，由此推算，「笑眼光」實力必夠三班有餘，上賽今季首戰跟「有得威」埋Ｑ，彰顯適應三班步速期已過，值得追贏。
|
放大圖片
