 放大圖片
■萬綺雯大爆Bobby根本是個反面教材。
香港文匯報訊（記者 梁靜儀）歐陽震華（Bobby）與萬綺雯（蚊蚊）及張穎康昨日返將軍澳電視城為十月二十六日播映的新劇《東坡家事》拍攝宣傳片，Bobby笑言宣傳片是重點宣傳蚊蚊，因她是個進取的人，二人又互爆拍攝期間的趣事。
蚊蚊指Bobby不止愛講爛gag，更是個反面教材，事關他可以半夜捧住半箱宵夜食，還有他可以在廠睡到扯鼻鼾，鼻鼾聲更大得不能拍攝要停機。Booby就解釋宵夜是買給大家食的：「如果小朋友去買就會畀人話，我買邊個夠膽詐我型？」至於在片廠睡到扯鼻鼾，他就搞笑說：「我對住關詠荷都有扯......鼻鼾，有次拍戲講昏迷，關詠荷要喺我身邊喊仲要講兩頁紙對白，佢feel到我就想扯鼻鼾就鍊一鍊我隻手，我就即刻入返戲。」蚊蚊謂也不明Bobby為何在硬木床上都能睡着？Bobby自嘲因有成身天然羽絨包圍住。
出名大頭蝦的蚊蚊，就連老公都擔心她，Bobby笑說：「佢一笑就瞇晒眼，返內地拍戲時佢老公都叫我睇住佢，我叫佢睇路呀。」蚊蚊就還擊說：「我冇你對眼咁大，我內雙， 你外雙。」Bobby搞笑說：「你係A眼，我就B眼！」
Bobby又爆蚊蚊將暖包黐在腳上，因為睡着了搞到起水泡，更被他不小心踩到。他又爆蚊蚊發音不準確，試過將「食飯」講成「射飯」，他笑指自己較喜歡「射面」（食麵）。
對於Bobby希望再有機會合作，蚊蚊就叫Bobby要買護膚品給她，因這樣笑法不是辦法。Bobby就抵死地說：「你打針咪得，我打人面獸心針，你就打隆胸化骨針。」
|
放大圖片
