 放大圖片
■陳凱琳欣賞男友鄭嘉穎有內涵又真誠。
2013年港姐冠軍陳凱琳（Grace）入行2年，火速上位被力捧成新一代小花。而與鄭嘉穎的一段戀情，更令Grace備受注目。雖然已是公開的一對，但Grace平時貫徹男友低調作風未有多談，拍拖半年多，感情走前一大步。鮮有談及感情事的Grace日前對本報露口風，大讚男友有內涵，好真誠，更透露當日鄭生在荷蘭靠一包糖打動了她的芳心。■撰文：植毅儀／攝影：吳文釗／鞋：walker shop／服裝：French Connection／飾物：Twist
陳凱琳從參選港姐到拍劇，現今已是上位花旦，但仍保留着一股純真的傻氣，就是這份「真」把較其年長20年的鄭嘉穎吸引着，說到和嘉穎拍拖半年的sweet事，Grace大讚男友為人真誠。「佢個人真係好有內涵，好真誠，例如佢會對老人家好，佢會幫羅蘭姐拿袋，好關心她。我發現他雖然不會說太多話，但私下很識得照顧其他人。同時佢演戲上好專業，合作時又教我要謙卑才可以學到更多，這些方面我都好欣賞。做任何事都係為件事好，好顧全大局。」
荷蘭拍外景增感情
45歲的鄭嘉穎跟23歲的陳凱琳本年初合作拍攝無綫新劇《殭》傳出緋聞，這次在充滿浪漫氛圍的荷蘭拍攝外景對足18日，異地朝夕相對動真情。原來過往，Grace因為家教甚嚴，所以未試過拍拖超過3個月，所以現今2人拍拖半年，小妮子顯得雀躍，雖然嘉穎暫時未有機會見其父母，但希望將來有機會。
「在荷蘭拍攝期間，我們分開了AB兩team拍攝，但都有些時間可以聚在一起食飯，有時佢又會過組來找我，事實上多了時間了解和相處，那時感情在發芽中。佢份人好細心，佢知我喜歡吃糖，有次在未埋位前，佢去買咖啡，見到店舖內一些地道出名的糖果，但又唔知我喜歡咩色，所以買晒所有味畀我選擇。因為讀書時期，家人不想我拍拖，久而久之，有少少逃避拍拖。今次遇到個啱的人，我就豁出去了。嗰日同佢講開『我們拍拖半年，你係我現時為止拍拖最長的男友』。拍拖一定要認真相對，咁耐以來我哋未試過吵架，有事只會靜一靜下來想一想。同佢拍拖後，有人在網上攻擊我，我沒講出來，但佢睇得出我唔開心，勸我放開些唔好理抨擊。好多傳媒朋友之前會問身為基督徒的我點睇婚前性行為問題，呢個問題學陳嘉寶講，我哋唔需要同大家交代什麼，因為神會知道。」
|
放大圖片
