 放大圖片
■陳凱琳自爆拍攝《張保仔》時險被馬踢中。
入行短短2年已一劇接一劇的Grace，感激無綫給予這麼多機會。而在台慶劇《張保仔》中，Grace首次孭飛做女一，演長洲女警「黃娣妹」，在巧合下回到清代赤鱲角海戰場，邂逅演張保仔的洪永城與志願掃清海盜的陳展鵬，3人更發展三角戀。
談到入行至今的經歷，Grace很坦誠地說：「2年的港姐生活，好感恩所有事都好穩定，感激公司畀咁多機會。《張保仔》是我入行以來最多戲份的劇，拍咗成半年。雖然好吃力但好好玩，好多空間畀我發揮，亦係我第一套古裝劇，仲講穿越特別好玩。為配合後期視覺及特技效果製作，我同洪永城等都有不少在綠佈景前吊威吔等動作戲，還有零下4度在瀑布度拍，過程很辛苦，凍到嘴都硬埋，但看到成果覺得好值得。劇中有好多好戲之人，我同邵美琪對戲學咗好多內心戲的演繹，有好多火花同得着。去橫店拍攝，媽咪也有同我一齊去，令佢知道我工作過程。最難忘是有場戲，我披着黑色披肩在馬面前經過，可能馬兒只見一個黑影，以為有人想攻擊佢，忽然踢向我，幸好我避得快，事後我都驚到呆咗，攬着媽咪一齊祈禱。」
|
放大圖片
