 放大圖片
■傅又宣(左)最近再闖台灣樂壇，成績不俗。
香港文匯報訊 香港女歌手傅又宣（Maggie，前名：傅珮嘉）近日接受茜利妹主持的電台節目訪問。談到她最近再闖台灣樂壇，跟老公及囝囝分開了足足四個月，期間老公只到過台灣一次探望她，Maggie憶述：「同佢Whatsapp又愛理不理，好懶回我，諗諗下都嬲嬲哋，咁啱同溫昇豪拍緊我新歌的MV，有親熱鏡頭，咁咪把心一橫send啲相激下佢囉！點知佢隔咗好耐先淡淡然回一句『不錯喔』...... 哼！」陪着太太Maggie到電台的周思甫隔着直播室玻璃格格大笑，令她怒火燒得更盛，續爆料說：「有一件事我仲嬲！我從來未對外講過！當年我哋結婚，雖然有共識，但佢（老公）連基本求婚動作都冇做，仲要果50蚊（台幣）婚姻註冊費係我畀！一路都冇畀返我呀！」
雖然Maggie嘴上說嬲老公，但其實她對對方心存感激，剛開了新店的Maggie話：「『日系美白牙齒Spa』呢盤生意，都係佢（老公）觀察咗一段日子覺得做得過，本錢上精神上支持我去做，做生意始終佢先係專家。」
|
放大圖片
