 放大圖片
對馬主的底細、動向及手風都有研究，當中關於綵衣資料，相信馬迷亦有興趣，今日趁此空檔同大家暢談一番。
潮流興簡約，同一個顏色選擇可予人乾乾淨淨及統一之感覺，馬主的綵衣亦一樣，越簡單的款式越易認，亦具代表性，例如應屆三料馬王「步步友」（圖1號）綵衣，簡簡單單黑底純色再加金色繡邊，又或者昔日短途馬王「精英大師」及「英勇大師」現役的綵衣，則以黑色底並加綠色大交差，大家一看已認得出是「步步」及「大師」系馬匹，而說來巧合，兩款綵衣都是黑色為主，莫非香港馬王都愛黑色的綵衣？不過，有不少馬主鍾情綵衣多顏色及花紋，唔講唔知，馬會提供的綵衣衫身圖案，合共多達五十一款供馬主選擇，衫袖圖案則有廿一款，帽子圖案有十七款，而顏色共有廿三款提供，然而每款綵衣的顏色不得超過四種。
衫身圖案除了傳統的純顏色、十字、交差之外，單係橫間、斜間已有多款選擇，近年大熱的就有心形圖案、五心及閃電圖案。衫袖圖案有心形、多星形、多圓點這類比較突出的款式，帽子亦一樣。顏色方面就有較特別的玫瑰、古金色讓馬主選擇，選擇花款多多，而且近年更可被馬主更換一次綵衣，例如「晨采」馬主由過往粉紅色一換黑色綵衣，八歲馬今季即順利贏馬。
|
放大圖片
