|
香港文匯報訊（記者 梁靜儀）邵仲衡、黃心美、柳俊江等，昨日為明年四月開台的免費電視頻道ViuTV劇集《瑪嘉烈與大衛》拍攝宣傳海報，製作部副總監兼監製金廣誠表示劇集以不同的男女關係，帶出社會及生活的話題，他又指會有林海峰聲演演出，劇集最快可於年底播出。
邵仲衡透露劇中與黃心美會有床上情慾戲，首次拍劇的心美即反問：「點解我唔知？」她又問監製可唔可以唔拍。邵仲衡即笑指心美扮正經：「你唔好扮正經，表面斯文，內裡open。」監製就笑指心美是烈女。心美又自爆被邵仲衡搞到面紅耳赤：「第一日見佢，打完招呼後即被佢攬住，搞到我面紅耳赤，好耐無畀男人掂過。」談到前港姐蔡思貝學歷成疑，心美表示當年蔡思貝當選港姐是由其妹妹黃心穎加冕的，自己不認識對方，妹妹跟對方應該也不熟絡。
撐吳璟儁是正人君子
另外，提到無綫男主播吳璟儁與女主播藍可盈傳出緋聞，柳俊江作為舊同事亦力撐吳璟儁是好人及正人君子，他覺得夜收工順道載女同事是好正常的禮貌。他又說：「唔係影到好實在，我都唔會信，我唔想變了男人車女仔就係有罪，open啲啦，香港係保守，但大家改變下，唔好影到女仔就要公審。」問到會否戥主播私生活被揭覺得好慘？他說：「梗係慘，我而家出街都驚，都會兩頭望，有時老婆無打扮出街都有壓力，怕被人影到，自己半隻腳踏入了娛樂圈，食得鹹魚抵得渴，但主播唔係要宣傳，唔想大家討論，只係普通人一個，唔需要面對呢啲壓力。」
|
