 放大圖片
■比賽結果由方力申獲得第一位，劉浩龍拎第二名，第三名就係余文樂。
香港文匯報訊（記者 植毅儀）方力申、余文樂、劉浩龍(師兄)、周秀娜、苟芸慧、莊思敏同曾國祥等一眾藝人昨日於澳門參加明星蓮花挑戰賽，在澳門東望洋賽道一較高下。最終，比賽結果由方力申獲得第一位，劉浩龍拎第二名，第三名就係余文樂。小方有女友鄧麗欣(Stephy)支持，容祖兒(Joey)化身頒獎嘉賓，到場為男友師兄打氣，Joey就負責頒獎畀第三名的余文樂。
劉浩龍表示於比賽中拿第二已經覺得好開心，他說：「其實今朝(昨日)心情真係好緊張，因為個個都叫我小心，越講我就越擔心，因為我真係好細膽，一起步，我就慢慢起步，再追上去。」師兄又稱，之前喺山路都睇住小方同樂仔大鬥法，見到佢哋有啲碰撞，自己就跟前少少，後尾樂仔有啲唔好彩，架車有少少故障。之前知唔知女友會來頒獎？他說：「首先，我來比賽冇諗過上頒獎台，所以冇問邊個頒獎，我都係盡力而為。吳奇隆頒獎畀我，我都好開心，因為吳奇隆都係一個我好鍾意的偶像，在他手上得到呢個獎，我都覺得好榮幸。」
|
放大圖片
