 放大圖片
■陳家樂讚陳凱彤在瘦身後簡直脫胎換骨。
香港文匯報訊（記者 植植）英皇新人陳凱彤（Lillian）昨日推出入行首張唱片，其中一首歌《小確幸》同師兄陳家樂合唱，2人一齊接受電台訪問。Lillian表示終於推出第一隻EP，好似見證自己BB出世一樣。家樂話喺唱片內出現，笑說入行十年，因為師妹先有機會首次在唱片出現。
他又大讚Lillian減肥成功，V煞尖面連自己都羡慕。Lillian表示由200磅減去70磅，主要是做運動和節食：「初初我只係食烚菜烚雞，但原來咁樣個人好冇氣，又會情緒低落，所以現在改咗。」而陳凱彤經常都好緊張，現在有師兄一齊工作心都定些，講到兩人可以拍住做熒幕情侶，家樂笑言可以，反而Lillian就問會不會似是撬衛詩雅牆腳？家樂即笑言：「詩雅耐咗，要有新衝擊。」
|
放大圖片
