 放大圖片
■林文龍夫婦及呂良偉齊出席活動。
香港文匯報訊（記者 梁靜儀）周美鳳、郭可盈與老公林文龍及呂良偉等，昨晚出席保良局於灣仔福臨門舉行的慈善晚宴，當晚以七十年代為主題，一眾嘉賓皆以懷舊造型現身。
日前捲入已故好友司馬燕老公吳忠義(Togi)與其前女友孫君子(Summer )風波的周美鳳，昨日現身時表示未有受事件影響，心情良好，又稱知自己做什麼，亦希望事件可以理性、智慧解決，並感謝朋友關心。問到可有再受到騷擾？周美鳳說：「冇，而且男方都有出來澄清，都算係一個了結，所謂清官難審家庭事，自己都管唔到別人屋企的事，亦唔需要關心咁多。」
有指吳忠義自稱與Summer五月開始，九月結束，但事後被揭兩人早於兩年前已合組公司，周美鳳稱不作評論。問到會否再約Togi行山？她說：「行山？現在是winter不是summer！」她又謂不想事件影響到小朋友，問到可有搵他們？她說：「冇搵，我呢個年紀同他們有代溝。」
郭可盈讚熊黛林好乖
三十五歲的熊黛林(Lynn)與郭可盈胞弟郭可頌打得火熱，近日有周刊傳阿Lynn將於聖誕前往日本沖繩行禮，正式成為「郭太」，昨晚可盈與老公林文龍出席晚宴，傳媒恭喜她榮升姑奶。可盈說：「姑奶？孻姑吧？唔係咩秘婚，只係一家人去沖繩旅行，因為大家都好難夾到時間，講了幾年今次至可以去到。（Lynn都會去？）會，不過文龍有工作在身都去唔到。（弟弟是否結婚？）唔係住，如果有喜事，相信阿Lynn都會同大家公佈。」
對於阿Lynn這個未來弟婦，可盈大讚說：「佢好乖，又善解人意，生活又健康，都睇好他們。」可盈表示今日生日會跟家人慶祝，阿Lynn就要看時間而定能否出席，她又謂平時過時過節阿Lynn都有一齊食飯。
|
放大圖片
