|
蘇保羅馬房的「尚華盛甲」在港二十七戰僅獲兩冠一季，上季贏谷草二千二百米，梁家俊出奇招，早段刻意跟前再拖後，中段乘慢步速突然踩油，殺入內欄直領到底，同場二至五名隨後均有頭馬進帳，當中「皇龍大師」及「精彩時機」上季至今各勝出三場頭馬，賽事水準值得參考。「尚華盛甲」今季經過四場熱身，上仗出戰田草二千米，換上雷神執韁以22蚊大熱門身份贏馬，以兩個身位掟甩亞軍馬「好球」取勝姿態有如大超級馬，七歲馬不排除現階段才大器晚成，今次轉來泥地上陣，同場對手份量只屬一般，而本身雖加七分，但易配有磅減的梁家俊，實際比上場負多五磅，只要肯再接再厲，添食無難度。
|
