 放大圖片
■黃心穎坦言擔心緋聞影響工作。
黃心穎於本周日舉行的《萬千星輝頒獎典禮2015》獲四項提名，成為「提名王」。當中以「飛躍進步女藝員」呼聲最高。男仔頭性格的黃心穎不時惹緋聞，緋聞表名單更不時涉及「人夫」，對此心穎BB大感無奈，希望來年搵到真桃花！■採、攝：植毅儀 / 服裝：noveltylane.com
黃心穎獲提名獎項包括最佳女配角（《東坡家事》）、最受歡迎電視女角色（《東坡家事》）、最佳節目主持（《學是學非》）及飛躍進步女藝員。她坦言對榮獲四項提名喜出望外，自己亦最希望能奪得「飛躍獎」。「當日出席記者會，一心想自己只有一個提名，因為事前公司畀我的短訊就話我於台慶頒獎禮有提名。於當日不停被叫上台，都感到好愕然，最後在台上聽到自己有4個提名，一切像未瞓醒，而自己個心都好開心。自己對獲獎信心唔大，因為今年競爭對手都好強勁。但我覺得有提名已經是公司及觀眾對你的肯定，最開心一刻是當自己上台時，台下的同事為自己歡呼、拍手，都很窩心。之後又收到同事的短訊，話睇好我，都很感動。自己最想攞『飛躍進步女藝員』，做藝人不斷進步是最需要，這個獎可以推動我更加成為一個全能的藝人。我的心水『飛躍女』得獎者，是林夏薇。因為夏薇於《收規華》中的表現相當出色和扎實。」
和啟華傳緋聞爆喊
早前和歐陽震華（Bobby）合作《東坡家事》，心穎飾演刁蠻任性的「蘇小妹」，跟平日的形象剛剛相反。說到今次和Bobby合作，心穎BB笑言似日日對住自己爸爸，只因黃爸爸的樣子勁似Bobby。至於再和曾傳緋聞的王浩信，心穎自言大家都明白是傳媒亂寫，就算見到浩信太太Yoyo也不尷尬。
「Bobby好有親切感，我爸爸同Bobby好似樣，見到Bobby就好有家人feel，做兩兄妹好易投入。有場我同佢的感情戲本來唔使喊，都忍唔住喊咗。至於浩信，大家都好清楚根本只是同事，有幾次見到Yoyo也不尷尬。入行後，遇到最大的唔開心事，是跟吳啟華傳出緋聞剛巧他爆出離婚消息，那時真係好大壓力，試過勁喊，幸好自己姐姐都做呢行，都有安慰我，啟華哥又即刻澄清。以前傳緋聞覺得無奈，現在係慣咗。可能性格關係，因為我鍾意的事物都很男仔，比如模型、車、打波、睇波，由細同男仔一齊玩都唔覺得係咩特別的事。但回來香港工作後，原來咁做別人會覺得有問題。我都有反思是否需要調節這種性格，擔心緋聞影響工作，已作適量調節，但唔會完全改變自己的社交生活，當然如果找到一個真桃花，自己也很開心。」
|
放大圖片
