 放大圖片
■《葉問3》導演葉偉信、男主角甄子丹及張晉早前接受有線《電影蒙太奇》訪問。
香港文匯報訊 電影《葉問3》本月上映，導演葉偉信、男主角甄子丹及張晉早前接受有線《電影蒙太奇》訪問，分享拍攝過程的趣事，以及當動作演員的辛酸。
甄子丹感謝導演創造了葉問一角給他，揚言非葉偉信導演他不會拍第三集，「我哋有好好嘅默契，唔係佢仲可以搵邊個拍？」子丹把自身經歷及性格氣質加入了角色中，更笑言：「我同葉問都係老婆高過自己，我同太太現在好少鬧交，佢話咩就咩，我真係愈來愈『葉問』。」電影頭兩集票房大賣，這次會否有壓力？葉導演表示：「我不知幾興奮，因為我覺得好睇過之前兩集，現在未識驚住，反而用咁嘅心至好，盡力而為就好。」
張晉指妻少過問片場事
自認是泰臣拳迷的子丹今次可與偶像合作，他表示開拍前既興奮又擔心，「因為佢拍戲經驗唔多，好易出事，佢一拳可以打死人，結果佢真係拳拳到肉，好彩我閃得快。」子丹卻在和張晉對打時被誤傷鼻骨，不過他打趣說：「鼻歪咗仲靚仔，多謝張晉！」
動作演員難免經常受傷，張晉指太太不會過問太多，「佢只會每次同我講句小心，因為佢都係演員，佢都明白，講太多唔通要我唔返工？」子丹則盡量避免向家人談及片場情況，「仔女試過聽到我咁辛苦而喊，我唔想屋企人擔心太多。」他更坦言不接拍情慾戲，「唔想仔女睇到唔開心，我唔係啲要試不同角色嘅演員，最緊要拍套戲可以帶出正能量。」
|
放大圖片
