 放大圖片
香港文匯報訊 廖安麗早前接受黎燕珊主持的有線節目《往事．並不如煙》訪問，剖白如何重新適應單身生活。
提到與前夫葉青霖交往的過程，廖安麗笑言是一段「車軚情緣」，「佢嫌我架跑車條軚唔配，於是帶我去換，大家因此認識深咗，我欣賞佢有才華同有內涵。」她更爆葉青霖為了追求反對吸煙的她而戒煙，被受感動。「佢好浪漫，浪漫到我招架唔住，但佢比較寡言，我仲記得佢第一次上嚟我屋企，我媽媽問佢係咪啞，不過我就係鍾意佢唔講多餘說話。」從戀人到婚紗攝影生意拍檔，再結為夫婦，成為兩個女兒的父母，廖安麗一直以丈夫為首。當年葉青霖嚮往外國生活，於是他們舉家移民澳洲，「我其實唔習慣當地生活，自己英文唔好，好難同當地人溝通，而且佢又成日飛返香港睇住盤生意，不過嫁雞隨雞，咁就忍咗八年。」
葉青霖五年前決定出家，廖安麗為達成丈夫出家的心願，不惜結束廿八年的婚姻，「我都信佛，我明白佢要走嘅路，我對佢係大愛，唔止小愛，如果只係為咗擁有呇茩雥q佢利益眾生，咁我就太自私。」她坦言亦有寂寞的時候，花了足足兩年時間適應單身生活，「我要重新學習一個人嘅生活，接觸多啲不同嘅人同事，充實生活，過去嘅事就等時間沖淡。」廖安麗表示五年來都是葉青霖的護法，一直協助他宣揚佛學的工作，「我哋關係轉化咗去我完全認定佢係師傅，我有任何問題都會搵霖法師（葉青霖），有時間會約埋一齊去澳洲探囡囡。」
姜麗文聽前度情歌落淚
節目邀得姜麗文（Lesley）演繹毛澤東的紅顏知己丁玲，早前忍淚承認跟鄭俊弘分手的她，在節目中談到丁玲錯愛的一段回憶，她表示：「回憶係好同唔好嘅事，好嘅就會記得，唔好嘅就選擇忘記，但其實好難做到，反而愈想忘記，愈會諗起佢。」Lesley拍攝期間播放鄭俊弘的歌曲以投入角色，當演繹到丁玲得知毛澤東要與別人結婚時，Lesley更忍不住落淚，「最痛嘅回憶......我直情唔想佢發生，唯有呃自己我唔難過，我好幸福，做一個女強人，咁其他人就唔覺你有問題。」她又稱發生過的事不會怪任何人，亦不應因此停下來，盡量向前看。
|
放大圖片
