 放大圖片
■1993年參加大連時裝節獲大獎，方平上台接受祝賀。
1982年方平來港，翌年中英簽署聯合聲明，朋友說他來得不是時候，「香港沒機會啦！」初來乍到的方平與兩個妹妹租住九龍城一間面積僅80呎房間，在尖沙咀遊客區商店當店員，月入僅1,300元，每日工作逾10小時。方平說：「當時有個夢想，哪天有錢了，就喺尖沙咀旺區某個樓梯口，開個小小檔口做生意，就已好滿足，根本冇想過會有自己嘅寫字樓、工廠，住喺今日有5個洗手間嘅大屋。」
方平說：「我覺得好感恩，感恩香港有如此好嘅環境，能夠畀勤力嘅人有出頭嘅機會。」他勉勵現時仍在辛苦打拚的年輕人，要有夢想，每個人都有機會。方平又說：「只係唔知什麼時候嚟到，但你一定要敢想！」
售手工珠片衫「起家」
憶述30多年前創業史，方平仍記憶猶新，「當年我係銷售業績最好的，為多做西（方）人嘅生意，要識講英語，我就買部收音機自學，成日帶住，搭車時也在學，第二年已做到店長。」因為做了店長，故他學會打理生意，亦發現店中最好賣、最好賺的貨是手工珠片衫，500元入貨，能買到近2,000元，還經常斷貨。「1985年，大女兒出生，不久太太被老闆『炒魷』，大鑊！（屋企）少咗一份收入，又多咗一份開支，本來看似壞事，但我轉念一想珠片衫係家鄉汕頭嘅產品，反正妻子得閒，不如讓她返鄉查吓係哪家廠做的？結果查到了，更知道一件賣出價係200元，我馬上讓她攞兩件貨辦，各做100件。又教佢做『行街』，到尖沙咀旺舖去敲門，我收工負責送貨，結果200件好快賣晒。第二次就再攞4款各落200件，如法炮製，又好快出手。第一個月就賺到3萬元。」
如此「夫妻檔」做了半年，生意太好了，唯有向老闆辭職，結果老闆極力挽留，話冇咗妎∠E搞唔掂，「我就幫佢揾人同教佢點做，離開時，老闆仲成咗我嘅客。」
成功須勤力及守信
方平全心自己做老闆後，訂單更多了，來料加工已難以滿足客戶，1990年，方平索性自己開工廠做。他笑言：「1987年已獲發美國運通卡金卡，自己都沒想到，港九新界有逾百間店由我哋供貨，洋行、水客，連老外客都找上門來，更有自己嘅品牌，參加香港時裝展，開拓了好多海外客戶，結果由批發轉做外銷，其間有自己嘅寫字樓、多間廠房，時裝款式及品種亦趨多元化，緊貼國際時裝市場，客似雲來，空運都要靠關係。」
他自豪地稱：「做咗30年生意，迦南嘅支票從無退票，成功靠嘅係『勤力＋守信』！」 ■香港文匯報．人民政協專刊記者 李摯、陳文華
|
放大圖片
