 放大圖片
■周秀娜、吳業坤應傳媒要求合照。
香港文匯報訊（記者 植植）周秀娜、吳業坤、梁雨思、狄易達、莊思敏、莊思明、陳蕊蕊等昨日出席活動，大會安排藝人挑戰會場內最刺激的機動遊戲「陀飛輪」。
坤哥同娜姐合照時候，應傳媒要求坤哥拖住娜姐隻手合照，但坤哥顯得尷尬面紅兼再次眼鏡起霧，娜姐就主動繑住坤哥臂彎合照，坤哥被指生硬，佢即刻望望褲襠話：「冇呀！」
坤哥話同娜姐好耐冇見，大家兩年前曾經合作拍節目，坤哥說：「見到娜姐都好緊張，好開心，大家少見面，見Kay（謝安琪）多過見娜姐，我好「宅男」，好欣賞佢言行同演出，當佢係好好前輩，佢依然青春可人。(問對方攞電話？)我怕忍唔住會係咁WhatsApp佢，而一份感情唔係建立喺抄牌上，唔需要經常溝通。(幾時先至夠膽拖女方手?)適合的場合，有機會玩機動遊戲的時候就拖佢，我知仍需努力。」
周秀娜表示兩年沒見坤哥，一別如隔三秋，她說：:「其實我們拖過手，兩年前拍一個節目，佢彈結他，我哋夜晚一齊跑步，佢係個好可愛嘅男仔。」問到娜姐有冇fans好似坤哥咁毒，娜姐話：「好多人鍾意佢，見到佢好開心，佢攞咗好多獎好開心，仲送咗隻碟畀我。」坤哥早前接受訪問，將多年心目中排第一位的女神娜姐降至第三位，排喺謝安琪同黃翠如之後，娜姐大方回應：「我們少了見面，感情係需要時間，我好榮幸係佢3個女神的其中一個。(如果坤哥追求會唔會接受？)佢追我先至算，佢係好有風度的男仔。」
|
放大圖片
