 放大圖片
■張栢芝大方送祝福前夫謝霆鋒。
香港文匯報訊 張栢芝日前現身北京出席「星APP之夜」年度盛典，當日張栢芝現身紅地毯，難免被傳媒追問有關前夫謝霆鋒與王菲的婚訊傳聞，她大方回應說：「從第一日佢地一齊，我就講過會完全一百分之一百祝福。」至於有傳內地有親子真人騷會邀請張栢芝和兩個囝囝演出，她再三否認。
記者單刀直入問張栢芝有沒有隱瞞新戀情，是否為了兩個小朋友故意不公開，她逐單解釋。「做藝人呢個位好尷尬，公開，會畀人話搞新聞，唔公開，又話你故意隱瞞，順其自然吧。以前後生，想搵一個我愛佢，我付出所有都沒問題的人，但而家想搵一個佢愛我、會保護我的男人，希望係成熟穩重類型，但如果個天安排我遇到的人係後生仔，我冇所謂，咩年齡都好，溝通到最重要。」提到兩個小朋友，張栢芝笑言，囝囝比她還要心急。「記得有次我們在機場等上機，兩個小朋友離遠見到個後生靚仔，好緊張地同我講：『媽咪，看看，好靚仔，過去同佢傾偈，等佢追你！』我叫佢地冷靜些，點知話口未完，兩個跑去個男仔度，話我媽咪好鍾意你。嘩！我那刻，好想『搵窿捐』，尷尬到呢，可想而知兩個小朋友仲急過我。」張栢芝笑着說。
|
放大圖片
