 放大圖片
■9號陳舒菲更成了多位星級評判的心水人選，相反香港代表3號麥明詩只得一、兩個評判睇好她。
香港文匯報訊（記者 梁靜儀）《2016國際中華小姐競選》將於本周六於將軍澳電視城舉行，昨日大會安排十四位來自世界各地的候選佳麗會晤大會司儀及由陳凱琳(Grace)、莊思明、張名雅、鄧佩儀及岑杏賢等擔任的星級評判團，來自紐約9號陳舒菲更成了多位星級評判的心水人選。
會上十四位佳麗除了作自我介紹外，又被分成兩人一組上台接受司儀鄭丹瑞及黎芷珊口才考驗，其中來自南京4號巫雪菲被司儀問到覺得自己可有機會得「友誼小姐」時，就回答：「自己可能得『友誼小姐』，因為內地同香港關係越來越好，自己亦抱住呢個希望。」之後到星級評判團上台貼自己心水佳麗號碼，其中最多人貼來自紐約9號陳舒菲，相反香港代表3號麥明詩只得一、兩個評判睇好她。
事後9號陳舒菲受訪時表示感到很開心，問到可有增加她的自信？自信十足的她說：「沒有自信就唔會企在此，所以好有自信，大家對自己咁好就更加有自信，(想得冠軍？ ) 有信心表現特別好，唔好話拎冠軍，比賽係同自己比，每個佳麗都有潛質得冠軍，要睇現場發揮。」香港代表3號麥明詩昨晚稍欠狀態，問到可有信心時，她表示不是無信心，又謂自己有個特質，就是越遇到挑戰及壓力，表現就會比平時更好，更能激發潛能，相信比賽當晚表現會更好，她說：「而家無壓力，當晚就會有壓力，表現就會標青。」
陳凱琳旅行返港春風滿面
剛與男友鄭嘉穎去完旅行返港的陳凱琳，受訪時春風滿面，並大方透露早前與男友去了越南旅行幾日，享受陽光與海灘好開心。問到兩人的感情是否邁進一大步？ Grace甜笑回應：「依然好好，經過呢次相處得好好，心情亦輕鬆。」當問到兩人旅行期間是否同房時，Grace就叫記者不要問這些尷尬問題，又稱家人都知道，亦不介意她與男友孤男寡女去旅行。至於是否視嘉穎為結婚對象？ Grace就回應：「同男友相處得舒服開心，(加分？) 已經好高分，如果呢個世界無滿分就好接近。」首次會見一班候選佳麗的Grace，大讚佳麗笑容燦爛，並傳授選美心得：「笑容要從心而發，同埋要享受過程，少少緊張OK，證明在意個比賽。」
|
放大圖片
