 放大圖片
第六場、第三班、一六五○米。「帝聖神駒」跑呢個路程最耍家，錄得四勝成績，其餘路程最叻只係上名而未能贏馬，而上季屬呢隻馬最豐收嘅一季，共得三W三P，在三班分別擊敗「紅簿仔」同埋「金獅快將」，之後上到二班連「聰敏不凡」都唔係佢手腳，由此可見，只要隻馬跑出水準，二班都贏得，今季經連串減分部署後，終得到落三班作賽資格，又有發惡本錢。
第七場、第二班、一二○○米。「享耆成」出道至今累積九勝四位成績，當中谷草短途已佔去其八，尤其是呢個路程擁七勝兩位更為出色，屬不折不扣的窄場短途專家，今季三戰雖未贏馬，但過往每季例有馬贏，就算係上季年屆八歲仍能喺同班同程取得兩勝，分別是擊敗「英勇大師」同埋「十二門徒」，足見老馬發火非同小可，今次賽前試咗兩課大閘，工夫顯著加強，看動態有心打反擊戰。
第八場、第二班、一六五○米。「同個世界」來港後累積四勝八位，田草及谷戰各贏兩場，但論上名率谷草就高得多，總共跑咗七場得兩勝兩位，超過半數上名，而呢個路程一戰一勝數據更好，當時是在二班評99分贏「非常精」，但若論最出色的戰役，就要數前季出戰一月盃，當時評108分以四分三身位擊敗「勝哥兒」，贏得首項級際賽，現時評分落到94分，照計是有條件東山再起。
|
放大圖片
