勝風金領宙搖錢樹

放大圖片

第三場、第四班、二二○○米。「勝風」曾在三班入Q兼多次取得獎金，比一般三四班升降機級數稍高。上季尾轉投蘇廄後今季重拾朝氣，於田草1600米跑第四開氣後，轉到谷草1800米起步失機，末段沿欄追前，最終跟「搖錢樹」單打獨鬥下影相僅輸，觀乎季軍的「勝利威」其後兩度入Ｑ，反映該席乃出色亞軍。相隔一個月再戰仍能跟實力指標「金領宙」及「喜多屋」跑近，此席季軍水準算好。上賽隔個多月跑此程，換上雷神即以終極時速衝贏主馬群，彰顯八歲仔戰鬥力依然強盛，趁勇可再添佳績。

第七場、第二班、一二○○米。「神舟小子」對上五仗全入前兩名，轉到此程更是越跑越勁。近三仗贏馬姿態和締速均強勁，大前仗於三班彈開「越影」，總時間1分10秒14成為當時季內三班此程締造最快；前仗再戰三班同程，再次以玩敵姿態擊敗兩匹其後已補中的「越感」與「滿堂紅」，總時間1分9秒87仲快過大前仗，成為季內目前三班此程締速最快；剛戰上班跟「錢照收」上演一場單打獨鬥好賽績，締速1分9秒66再度刷新本身最佳時間，而成為季內此程締速最快者。確認四歲仔越來越有谷草王風範，作膽不作他選。