 放大圖片
■內地物業對香港用家有一定吸引力。
香港文匯報訊 近月「人仔」匯價回落，內地物業對香港用家有一定吸引力。然而畢竟內地風土習慣不同，就內地揀樓、按揭、物業管理方面已經與本港南轅北轍。
許畯森：注意樓盤年期
許畯森指，在內地買樓要注意年期問題，「有次見到有個新盤，周邊嘅樓平吨T成，原來樓盤年期剩餘廿幾年。雖然有人認為唔係問題，估計地方政府唔會向市民收取太多補價，但如果年期太少，銀行未必肯按。」
提到按揭，在一手樓及二手樓之間也有分別。「假設新一期的屋苑每平米8萬元（人民幣，下同），而已入伙舊一期則每平米7萬元。雖然新樓貴啲，但新樓往往可以估足價，二手則未必，最終供款可能一樣，買平樓未必有優勢。」
揀出名開發商有保障
買大陸樓另一令港人困擾的問題是，當地的物業管理質素參差，近年內地不乏屋苑業主與管理公司衝突甚至械鬥，備受社會關注。許畯森亦感受甚深，「好多時係買咗一手樓，5年後就好似香港廿年樓咁殘。」故此，他建議揀選知名開發商的較有保障，因為這些公司對物管公司有嚴格篩選，又或者設旗下物管公司。
然而對於博升值的投資者，選擇城市或地區位置是至為重要的一環，許畯森過往對此有過深刻的教訓。他指出，本港市區樓價永遠較新界來得穩陣，然而這觀念卻不能應用在幅員廣闊的內地。「國家要打造新地標好容易，有配套、校網、運輸等，以前深圳得羅湖同皇崗當旺，但後來有深圳灣及南山，今日睇返後者樓價升幅以倍數計。自己曾經唔信國家發展，沒有一早在深圳灣南山買樓，呢次係比較痛嘅經歷。」
留意地區發展主導權
不過他補充，地區的發展要視乎由國家還是發展商主導，「發展商大量起樓，以藍圖吸引人投資，但如果無國家配合，學校、醫院都係私營，政府又唔會搬去，幾多寫字樓都無用，近期內地好多鬼城出現，呢個係原因之一。」
|
放大圖片
