 放大圖片
■古惑佬「合體」影賀年相。
香港文匯報訊 「古惑佬」鄭伊健、陳小春、錢嘉樂、林曉峰和謝天華近日難得「合體」影賀年相，乘機向身為電影導演的錢嘉樂提出要求，皆因他們5兄弟相隔20幾年再一齊拍電影。
錢導先答應大家一定出埠拍外景，並且要是美景，大有可能是布拉格。其他兄弟亦爭相提出要求，伊健說：「我要有動作戲！」林曉峰說：「我要有感情線！」謝天華說：「我要有多啲女角！」終於說出重點來，嘉樂說：「講到女主角，好重要呀，我哋5個都有返咁上下級數，梗係要搵返咁上下cup數嘅女主角襯返啦！」眾人和議，但嘉樂突然指住伊健笑說：「但佢好似唔鍾意大cup數喎！」伊健立即拉開話題：「我想反串呀！」嘉樂說：「吓，最靚仔嗰個反串，咁我哋點算？」謝天華搞笑建議：「伊健反串演我老婆，仲要昏迷。」小春此時突然提出要求：「我想演啞巴。」嘉樂即笑說：「你向來都啞㗎啦！」伊健笑指小春平時口齒不靈光，林曉峰立即揭穿小春詭計：「你唔想記對白之嘛，無咁易！故事第一場戲你係啞嘅，但之後就講返15年前未啞之前，你勁鍾意講嘢，哈哈哈！」小春奸計不得逞，伊健反建議由小春做旁白，但林曉峰不留情面笑說：「嘩，咁開場頭5分鐘啲觀眾已經瞓晒！」天華附和說：「咁啲字幕一定要好清楚！」全場爆笑。
至於猴年大計，林曉峰搞笑說：「我準備喺屋企搞慈善餐舞會為『寶熙慈善基金』籌款！」小春認真地問：「『寶熙慈善基金』喺邊㗎？」林曉峰說：「喺你隔離！」小春才恍然大悟只是玩笑，「寶熙」其實是林曉峰的一對兒子名字。不過他們就爆料指謝天華新年心願是順利送囝囝入讀心水學校。
|
放大圖片
