 放大圖片
■梁天琦吸煙照片在網上廣傳。網上圖片
一張吸煙照，竟輕易掀起激進反對派「網上廝殺」。「本土民主前線」梁天琦的吸煙照近日曝光。「高登仔」前日開始討論梁天琦的吸煙習慣，有人稱「仲諗住佢（梁天琦）真係乖仔先撐佢」，也有人覺得只是小事一樁。親「國師」陳雲的葉政淳在facebook上載照片，隨即被「死對頭」、嘲弄陳雲一方是「青山城邦派」的林忌批評是「玩篤灰（告發）」，為了「保送陳雲拎議席」。兩人之後隔空互罵，「青年新政」游蕙禎也無故加入戰圈。主角梁天琦則對網上亂局闊佬懶理：「我選立法會又唔係選港男，理得我食雪茄定煙仔餅。」
林忌成「磨轆」 葉政淳「上青山」
「高登討論區」前日有網民發帖「有無搞錯啊，原來梁天琦食煙ga（㗎）」，稱「仲諗住佢（梁天琦）真係乖仔先撐佢，好失望」。有人則稱「如果個個都知佢食煙，起碼無一萬票」，但也有網民覺得吸煙並無不可，如果因此而不支持梁天琦「好低能」，有人則舉已故英國首相邱吉爾等政要也是煙民，討論區之後更出現「有無搞錯啊，原來梁天琦食肉ga（㗎）」等「抽水」帖子。
葉政淳前日早上將梁天琦的吸煙照上載至facebook，聲稱「投票係咪靚仔、睇落個成個package（組合）好得就ok？......咁×街了，對家派個靚仔明星出來豈不贏×晒？」同日下午，他被「死對頭」林忌批評他表面支持、實際傷害梁天琦，「減少佢得票，保送陳雲拎議席......玩篤灰？背後插你一刀，呢班真係垃圾。」
新仇舊恨一觸即發，葉政淳辯稱「我幫梁天琦拆彈咋你班磨轆」，林忌則謂「你可以做，唔代表你要影相貼出來，青山城邦派班友，就係連咁都唔明。」
游蕙禎在昨日凌晨加把口，稱梁天琦吸煙「真心好小事，唔push（推）相是常識吧，至少我唔會咁玩佢」，葉政淳將其回應截圖，再次將上載照片辯護為「先制解毒」，又揶揄被稱為「女神」的游及其支持者：「我真係好驚會畀人report（報告）到死account（戶口）......你知女神講乜都係香。」
有人則幫葉政淳口，揶揄游的「政治智商冇咩長進」，建議「青政」在9月立法會選舉不要派她出選，否則「按金都攞唔返」。
■記者 陳庭佳
|
放大圖片
