|
剛周三快活谷夜賽郭能大演帽子戲法，連下三城，季內至今共贏得二十九場頭馬，今次沙田八草兩泥十場賽事，他胯下多匹坐騎實力唔錯，如有好運氣，力足再添頭馬進帳，延續旺勢。
剛戰在千四米出戰國際一級賽女皇銀禧紀念盃，在莫雅胯下跑入一席第三嘅「美麗大師」，今戰返回一班千六米再上陣，馬兒改由郭能策騎，騎者對隻馬的機會分析說：「此匹自購馬擁有相當高嘅質素，在陣上表現忠心和準繩，因此經常有接近嘅表現，今仗路程比上仗加長二百米，在千六米參戰對此匹中長途馬來說是最適合發揮，佢過往在此程三甲上名率很高，而且一班賽事嘅對手實力比上仗分級賽大幅減弱，如跑出水準，是有贏馬機會。」
今季出賽多次，表現未如理想嘅「活力歡騰」，今戰移師泥地一哩角逐，郭能說：「已策騎馬兒出賽多次，對佢嘅性能有認識，雖然草地表現較佳，但泥地也可以應付，並且取過好成績，此匹六歲馬今季已經出賽多次，狀態保持在勇境，在泥地角逐對手比草地減弱，如臨場沒有擠阻，發揮出水準，力足取得好成績。」
|
