賀賢馬房自購新馬「太陽加加」，上季抵港但因為成熟問題而未有上陣，呢匹澳洲四歲馬與廄侶「超凡夢想」及關係密切的「太陽喜喜」一模一樣，來港之前由騎師柏寶親自快試，之後先至再推薦俾香港馬主，此駒周歲價達十四萬澳元約一百萬港紙，二○一三年十一月曾於澳洲試九百米閘，大勝亞軍四個半馬位兼且締五十六秒快速時間而回，身型及跑姿比同父馬「勇士勁」更吸引，既然「太陽喜喜」能夠取得三捷，估計「太陽加加」分量也至少值三班頂，季內已有一場熱身，復課操足成熟程度突飛猛進，開氣後再出強配雷神已值得捧場。
