|
剛周日賽事田泰安非常開心，因為佢嘅家人來港，並入場替佢打氣，能夠在家人面前贏馬捧盃，田泰安接過獎盃後，同佢嘅爸爸擁抱，場面令人感動。佢嘅家人會睇埋打吡大賽先至離開香港，今次夜賽續會入場打氣，田泰安期望在家人面前續有頭馬進帳。
剛戰在田草四班千四米角逐，於田泰安胯下打開勝利之門嘅「駿擊快車」，今仗移師快活谷增程在一哩再戰，田泰安再為馬兒執韁，他說：「上仗馬兒雖然勝出，但賽前信心只屬一般，因為排在十三檔起步形勢不利，能夠贏馬，主要是嗰場冇馬領放，我好順利咁就取得領放位置，且越走越順直奔終點。今次轉戰谷草相信是可以應付，因早前馬兒曾試過谷草閘，同樣是一放到底以首名過終點，我認為佢嘅狀態比上仗續有進步，希望能乘勇再下一城。」
至於姚廐另一匹坐騎「火麒麟」，剛戰同程跑入第二名，今仗再戰，田泰安表示：「目前牠以快活谷的表現較佳，前仗在我胯下因慢閘表現未如理想，剛戰跑第二不是由我策騎，但賽後復課策騎佢出操，有強勁嘅走勢，狀態甚佳，希望今次出閘順利一點，發揮出水準，收復前失。」
|
