騎練軍情：御皇鷹賀大摩牛一

放大圖片

雖然大摩今季起步麻麻，但賽事踏入季中階段漸見開始發力，最近�鶡舅橧刉怴u駿馬名駒」及「八心之煌」贏個孖寶，現時已取得廿五場頭馬，由於大摩經已達退休之年，如果要延續練馬生涯，每季成績必需於練馬師成績榜頭五名內，不過，目前僅得廿五場頭馬，排行練馬師龍虎榜第九位，不過咁，現時除蔡約翰贏�鬙|十三場頭馬最突出外，其餘由第二位開始，蘇保羅三十四場，沈集成三十二場經已排第三位，講真大摩取得廿五場頭馬成績，要追上去唔算困難，即使排第四及第五位練馬師成績，徐雨石及方嘉柏均只係得廿八場頭馬，大摩要追入前五名，�鬘憎茪擗l相信問題不大，就好似今次夜馬咁，馬房又有數胡籌碼在手，分別係「精氣神」、「御皇鷹」（圖11號）、「君悅灣」及「獅鷲」，均有本錢替馬房增添頭馬，提早為大摩慶祝生日。

「精氣神」與「御皇鷹」在周一最後試跑午間均被安排到機坪踱步備戰，前駒由楊啟棠試，後駒則由王志偉踱，由三點鐘一直踱到三點十五分，踱步完畢後，兩駒均返馬房等練馬師親自檢查，直至將近四點鐘，馬房又安排呢兩隻馬到馬醫院照鼻，再驗埋血色素，據悉，呢兩隻馬血色素都正常，賽前顯示健康並無問題，馬房手足又指出，大摩非常緊張呢兩隻馬，平常牠們只會安放在二樓馬格，但臨出賽前的一段日子，這兩駒被倉主安放在地下低層馬格，以方便平時巡視。

「御皇鷹」出戰第五場三班千二米交易所盃，呢隻馬以往跑過六次呢個路程，取得兩冠一季軍成績，季初佢仲�鬗G班谷草一千米上名，敗給「鄉村輝煌」得季軍，如今經已落番三班跑，馬房搵來近期最夾殺手潘頓，更得幸運之神眷顧抽得有利三檔起步，似乎經已結集有利爭勝條件於一身，呢隻千二米短途好手，又到最佳捧場時候。

精氣神可恃強凌弱

至於另一匹「精氣神」，上場於二班千六米跑得一席第三名，由於加分唔多，結果�鬘渾m大賽未有被列入十四匹優先出賽名額內，可能馬房眼見本身倉口經已有唔少馬入到圍，正所謂多一隻唔多，少一隻唔少，呢隻「精氣神」大摩退而求其次，同佢盡快揀個場合開齋，但估唔到大摩同呢隻馬揀場谷草一哩列陣，環顧今次對手唔強，以呢隻馬近期進步表現，可以話有虎入羊群之感，用埋莫雷拉擺明車馬要威唔要賠率。

獅鷲梁家俊非陪隊

除�魕O兩隻馬可以替大摩增添頭馬之外，倉內打料手足講「君悅灣」及「獅鷲」連日以游水為主，狀態均見不俗，「君悅灣」出戰第七場三班千二米，所跑路程擺明嫌短，睇�薔堛澈Y想減分居多，留待落四班先至郁手，相反呢隻「獅鷲」，跑第六場四班一哩，�鰩Z次上面肯定有便宜可佔，上場降番落四班首戰，用韋達跑谷草一哩得第八名，但輸俾頭馬「感恩」唔夠三個身位，都唔知係馬狀態唔夠，抑或騎師韋達發揮得水皮，姑勿論點都好，「獅鷲」近期狀態經已復甦，今次用上梁家俊，佢屬大摩早前所重用的本地小將，今次再有機會為大摩效力，相信梁家俊必把握機會發揮。