孖寶我有計：駿明珍寶屆勝時

放大圖片

今晚賽事重返谷草舉行，各場形勢不乏暗湧，選馬不妨冷熱兼顧。

第一場、第五班、一○○○米。「快趣的」今季轉四歲進步大，四戰三度上名，其中上仗轉戰谷草千二米已放足一千跑第三，今仗縮程二百米匆匆再戰，必有收復前失的決心，換上郭能戰鬥力不減，可一嚐頭馬滋味。「跑馬仔」今季轉投吳廄減分多時，能夠多跑已經反映健康大有起色，直至上仗重返谷草唯一勝途更放入亞席，七歲老馬試準再來，莫雷拉選騎有權坐正。

第二場、第四班、一○○○米。「駿明珍寶」上仗初出在同程被捧成大熱門，結果追獲一席亞軍，三歲仔初次跑谷草已經有好表現，反映場地性能頗佳，熱身後出王牌再戰同程，必有決心拚出頭。「海之濤」剛於同程憑一檔之利輕鬆放到，賽後只加六分阻力不會大，七歲老馬難得有迴光勇態，必定可拚則拚，今回抽到三檔起步，形勢與上仗相比分別不大，有權乘勝追擊。