網絡世界無限自由，魚龍混雜，網民惡搞成風，尤其鍾意針對名人，搞出唔少大頭佛。本報稍一走漏眼，竟然亦誤中副車。
話說本報22日A4版寫咗隻鬧「港獨」嘅故仔，其中引用咗網民「李澤楷」在網上一句支持「港獨」嘅言論。雖然係引用網民意見，網名加咗引號，但亦引起誤會，搞到城中名人李生慘遭影射。
查實李澤楷先生一路愛國愛港，支持國家立場好堅定，點會支持「港獨」？之但係記者、編輯走漏眼，百密一疏，真係要對李生say sorry呀！ ■香港文匯報記者 甘瑜
