 放大圖片
■栢芝帶了滑板到德國顯身手。
香港文匯報訊 張栢芝現身在德國為中、德合作動作片《Out Of Control》開工。戲中栢芝要應付連串高難度危險動作，她坦言會盡力做到最好。雖然四年多無拍戲，但她同樣得心應手：「雖然好耐冇拍戲，但一埋位，感覺即刻返晒嚟，着上戲服，我即刻變成戲裡面嘅Lucy Lin。其實呢個角色對我嚟講係好大挑戰，由一個柔弱女子，因為遇到危險變得好強悍，性格反差會好大。」
近年愛上踩滑板的栢芝，也帶了滑板到德國顯身手，「幾年前學識踩滑板之後，我教埋囝囝一齊玩，當係親子樂。其實今次新戲台前幕後班底都好好，通告唔會密密麻麻，所有人都有足夠休息，所以我帶埋滑板去德國，放假會踩住滑板四圍去，欣賞德國嘅風景。」
另外，日前她趁劇組休假，親自到超級市場買餸，下廚慰勞工作人員，栢芝說：「我真係食唔慣西餐，餐餐冇飯冇菜冇湯水到肚好唔慣，唔好話我，我經理人助手成班工人員都一樣，所以一有時間，我會去買餸煮飯畀大家食。」問栢芝有什麼拿手小菜？她即滔滔不絕道：「好多喎，我班同事最愛咖喱薯仔雞、蒸水蛋、番茄炒蛋，因為好送飯，又會煮吓西蘭花，等大家食多啲菜。有時朝早會早啲起身煲個粥，好過成日食煙肉腸仔蛋。」
|
放大圖片
