眾星捧場 黎明騷布幕失靈 阿倫趁搶修做網上直播

放大圖片

■黑布突然失靈致演唱會受阻十幾分鐘。

香港文匯報訊（記者 植毅儀、梁靜儀）黎明（Leon）前晚繼續在中環海濱舉行入行30周年個唱第4場，吸引大批藝人到場支持，當中包括譚詠麟（阿倫）、李克勤、林嘉欣、楊千嬅、容祖兒、蔡卓妍、劉浩龍、莊思敏、陸浩明以及丁子高等。

Leon唱完《情》之後，就跟觀眾傾偈，Leon說：「好開心見到每位識�麊B友，唔同場合見到唔同的朋友有唔同的感受，好多謝上天賜�魕O個機會畀我！」佢之後用廣東話講：「武漢、北京我知道，見到內地朋友都好開心。其實內地好多朋友的廣東話好叻，唔使同他們講普通話都聽得明，好多時同事跟佢�]講普通話，大家根本聽唔明，不如同佢�]講廣東話好過！」之後佢祝願每位朋友都開心，再唱《如果可以再見你》。

前晚氣溫急升，Leon唱到全身大汗，要不停飲水及抹汗，當唱《送你一瓣的雪花》之前，黎明就說：「呢度溫度比兩日前回暖，聽日可能保持呢個溫度，但係唔知，總之夏季前送你一瓣雪花。」之後就唱出這首歌，現場的「雪花」都下得頗多，所以黎明都呼籲大家小心跣親。

克勤取經心態睇騷

黎明今次開騷，都可謂十分「黑仔」，前晚又發生「甩碌」事件，就是圍住台邊四塊用來做3D效果的黑布突然失靈故障，Leon在幕後朗誦《願你今夜別離去》，全場大合唱和應，之後黎明又發揮金句王本色，叫觀眾借此和身邊人打聲招呼，一齊識身邊新朋友。此時，在場內和克勤一起看騷的譚校長趁搶修黑幕時做facebook直播，而坐在校長身後的林嘉欣刖伸�c扮鬼臉，十分搞笑，事後克勤於網上表示：「昨晚Leon演唱會，多少懷�茖�經的心態去看一個這麼大型的戶外演唱會，在一個不是經常做演唱會的地方舉行，所面對的困難一定非筆墨所能形容，讚賞之餘希望Leon繼續努力一切順順利利完成餘下的場數。加油！」

到尾聲唱到《夏日傾情》，全場觀眾企起身一齊唱，黎明就話：「無論天晴、落雨定工作唔開心，可以沉一陣，可以諗到解決方法，希望大家開心過每一日，我們好快會再見，唔係呢度，但應承大家會做多���洏h同大家見面。」

昨日林嘉欣出席活動，提到她前晚去了欣賞Leon演唱會，她表示16歲簽約寶麗金時已經和對方合作過：「當時他是巨星，我只是好細�黈v妹，有合作拍MV、廣告等，都好多年無見。」她又謂過去一星期為Leon提心吊膽，故特意去為對方加油打氣。記者指Leon說過叫他加油即叫他去死，嘉欣即改口笑說：「咁講Good Luck！」她還說覺得Leon很勇敢，因其實他可以嘆冷氣很舒服去演出，但都選擇去突破自己，令她很佩服。