 放大圖片
■陳奕迅、王幼倫、劉嘉玲及楊千嬅一同受訪。
香港文匯報訊 「一句贏在起跑線上」，令好多家長怪獸上身，幫子女報讀無數興趣班，以求日後出人頭地。身為父母的陳奕迅（Eason）和楊千嬅，在教育子女方面就另有一套，日前他們聯同劉嘉玲、王幼倫接受有線專訪，分享箇中心得。
Eason以「徐小姐」稱呼徐濠縈說：「徐小姐一向對閱讀興趣不大，但我哋個女（康堤）就好鍾意睇書，其實閱讀對訓練小朋友思考好有幫助！」問他有沒有幫康堤報讀訓練班？Eason推說：「呢方面係徐小姐負責，適可而止啦！」
千嬅指現今教育子女已不能高壓，她笑道：「我會同個仔講數，好似睇ipad咁，好傷眼，我會要佢自己食完飯，做晒要做嘅嘢後，先用電視睇ipad，好在佢都知阿媽係米飯班主！興趣班？睇佢平日專注乜嘢，先畀佢發展下啦！」
嘉玲自言小時候因常看公公畫畫，受藝術薰陶下，擴闊了幻想空間，對今後的演藝路甚有幫助，所以她很贊成讓小朋友睇畫，聽古典音樂，可令他們潛移默化！嘉玲續笑謂藝術家總有獨特個性：「好似我屋企嗰個咁（指梁朝偉），有時我都會頂佢唔順！不過藝術家就係咁，呢個亦係佢哋魅力所在！」
|
放大圖片
