 放大圖片
第七場､第四班､一六五○米。「四季」九歲馬自從一三年一月尾喺二班贏馬後，苦戰三年多終於喺上仗重返凱旋門，喺皓楠仔胯下均速前領，鬥到拉士雖被「實在威」追越，惟老馬最後回氣再上影相獲勝，今晚再戰谷草一哩，皓楠仔停賽換吳嘉晉仍抽內檔起步，隨時再締佳績。
第八場､第三班､一六五○米。「總統至上」五歲仔季內跑過十一仗，跑至季中終在田草千四後上力擒「再開心」水準不俗，惟打後三戰表現未能再上一層樓，今賽前以慢踱為主，今仗續配羅理雅轉戰窄場一哩排三檔起步，話唔定轉場出擊試出彩虹。
第九場､第二班､一二○○米。「卡加動力」上回落三班即現真身，配羅理雅排四檔沿途守好位，最後力拚僅負「風火勁駒」短頭位得亞席，後駒再出喺田草又爆冷W，跑第三「滿堂紅」亦再跑第二，可見呢場賽績絕對分量十足。今晚成哥再報番此程，綸仔更連「幸運歡笑」都放手而騎「卡加動力」，必有殺着。
|
放大圖片
