|
周日跑本季最後一項一級賽三冠大賽尾關之渣打冠軍暨遮打盃，應屆打吡冠軍大摩馬房的「明月千里」，於女皇盃以破紀錄距離再下一城後，自然魚躍龍門聲價十倍，今次將以擂台躉身分出現，「明月千里」能否再下一城未知，但個人一定會為女皇盃輸俾「明月千里」跑第二嘅「軍事出擊」打氣，尤其「軍事出擊」馬主最近表示，有意讓愛駒跑完遮打盃後退役，但仲未百分百落實，要睇埋「軍事出擊」跑成點至決定，正常理解，就係跑得唔好就肯定退役，跑得好就有可能繼續服役，馬迷當然希望「軍事出擊」繼續服役，不為甚麼，馬匹天生愛奔跑，若果繼續上陣爭功，相信對「軍事出擊」是最有利嘅事。
|
