■安德尊(左)與李錦聯(右)暫時「停火」，與心穎合照。香港文匯報訊（記者 梁靜儀）安德尊（大王）與李錦聯主持的全新節目《區區開伙》昨日於中環蘭桂坊拍攝，並找來黃心穎擔任嘉賓。黃心穎在instagram上載了張無名指戴戒指的相片，並曖昧留言表示「我們承諾了！」，沒清楚交代所謂何事，因而惹來報喜揣測。
一直盛傳不和的大王與李錦聯，由拍照到訪問都充滿火藥味，先是拍照時李錦聯突然起㬹又篤大王心口，大王即面露不悅提醒對方：「師傅，過咗籠喎！」之後李錦聯才搭對方膊頭扮friend。
大王頂不住李錦聯氣焰
之後兩人一起接受訪問繼續互窒，大王表示節目已拍了三集，問到二人開火沒有？大王笑說：「師傅拍到『fi fi 焚焚』。」李錦聯叫大家不要誤會，他們只是處於開火邊緣，從未正式開過火。大王就寸對方說：「自己負責跟頭跟尾，雖然師傅係國際名廚，但靠唔住。」被踩靠唔住的李錦聯即時還擊說：「你又唔可以話唔知，你係無知同亂噏，只係知你好白癡扮低B，你又唔知自己成日講錯嘢，睇你咁多牙齒印就知。」他又大爆大王在傳媒面前扮低調，扮無知，其實很多事都知，經常給「鑊」人跣。大王得戚說：「鑊係孭，唔係跣嘅，知道師傅心胸唔係好闊，窄窄哋。」李錦聯直言頂不住大王的無厘頭。大王則表示頂不住對方的氣焰，又指對方入TVB廿幾年都沒拍過這些節目，今次水鬼升城隍。
談到對收視的期望？大王先答：「師傅做唔到啲咩，唔好期望。」李錦聯說：「收視唔使講，盡量做，無乜期望，做咗出嚟大家鍾意睇就睇。」大王就指他答得無賴。李錦聯就窒他：「好似你咁，掛住演出，我哋係真。」
叫男性朋友選港男
港姐出身的黃心穎，對於新一屆港姐日前進行首輪面試，她亦有緊貼留意，並大讚有幾個參賽者幾靚女，身材好弗及很多都有高學歷，還有長腿。至於有部分參賽者衣着騎呢，心穎亦有留意：「面試應該着得斯文啲，端莊啲，(有個泰山裝？）可能想凸顯性格。」說到其中一位參賽者Yoki被指樣貌跟她相似？心穎即好奇翻看手機相片，並說：「都OK呀，都幾靚，仲有一個都係叫Jacqueline，笑容同我都相似，（似妳有着數？）你話呢？可能到時有份做評判。」她又稱已很久沒出埠工作，所以希望稍後有機會跟港姐或港男到外地拍攝。問到可有推薦朋友選港姐？她說：「無，因為已經超齡，（可叫她們參加ViuTV選美，因不設年齡限制？）又唔會叫佢哋選隔籬台，反而會叫男性朋友去選港男。」
黃心穎在instagram放咗張無名指戴戒指嘅相片，並留言：「We promised. Not an easy road, but we will fight on（我們承諾了！不是一條易走的路，但我們會繼續戰鬥。）」