■黎汶洛的端午節帖子「金句連連」，引起瘋狂恥笑。fb截圖到底「攝石人」黎汶洛昨日所發帖子有何可笑之處？文中，攝石人的金句包括「炎炎熱熱的端午節」、「水中起舞的龍舟」、「互相祝福端午節快樂」等，而最搞笑的一句就是「糉這個傳統食物也總會令人透心涼」。有人笑稱攝石人吃的大概是「冰皮糉」、「冰鎮糉」；有人揶揄他可能飲慣岩漿，所以吃個熱糉也會「透心涼」；有人恥笑「中箭」諸君的智力拉低了港人平均智商，又質疑有什麼人會在今年立法會選舉投票給攝石人。
網民揶揄「飲開岩漿」
攝石人昨日在其facebook所發貼文，第一段已經滿是笑點：「炎炎熱熱的端午節，除了在水中起舞的龍舟、互相祝福的端午節快樂之外，糉這個傳統食物也總會令人透心涼。」一直支持激進「本土派」，狙擊「中箭」不遺餘力的仇思達，就極速在自己的fb轉載並貼文揶揄道：「吓？透心涼？熱食嚟架（㗎）喎阿黎生，你唔係就咁喺雪櫃拎出嚟食呀嘛？」
網民「Dada Fung」留言道，「唔係講笑，啱啱榮華sell我買冰傻（糉）。」仇思達根據攝石人post上fb的照片指出：「佢派嗰啲肯定唔係冰糉。」「Marco Fung」笑道：「（攝石人）平時d（啲）水唔係90度都唔飲，打邊爐平時都係滾熟就食，炸雞更加唔洗（使）講，不嬲都係連滾油一齊食，得果（嗰）40幾（度）既（嘅）糉（糉）已經好涼啦，神駒（仇思達）你唔係唔得嘛。利申：飲開岩漿。」
鬼祟刪涼糉 濫修辭繼續惹笑
大概知道自己再一次淪為笑柄，攝石人鬼祟改post，刪去「透心涼」一句，變成「炎炎熱熱的端午節，除了在水中起舞的龍舟、互相祝福的端午節快樂之外，糉這個傳統食物也是這個節日不可或缺的一部份。」不過，恥笑繼續，「Pak Ho Leung」說：「乜嘢炎炎熱熱呀？」仇思達即以李清照的《聲聲慢》為攝石人續句： 「炎炎熱熱，冷冷清清，淒淒慘慘戚戚。......佢發炎又發熱，咪炎炎熱熱囉。」「Fat Tsoi」也揶揄道：「夏日炎炎我就聽過，乜×野（嘢）炎炎熱熱呀......唔識字其實好少事，但周圍話俾（畀）人聽呢下（吓）×嘛！」
「Kais CyRus Jr.」也寸道：「互相祝福的端午節快樂係咩句子......」「Haha Manyu」揶揄道：「其實『水中起舞的龍舟』我覺得真係好q似小學生d（啲）作文！同埋現實生活真係無乜聽人互相講端午節快樂，又唔係拜年要講祝賀說話∼『透心涼的糉』都寫得出，應該係食糉食懵左（咗）。」「許景濤」總結道：「炎炎熱熱、起舞嘅龍舟、端午節快樂、透心涼嘅糉，一個post咁多個笑點，贏哂（晒）！」 ■記者 鄭治祖